Басқару консолін әкімшінің жұмыс орнына орнату

Басқару консолін әкімші жұмыс станциясына бөлек орнатуға және осы консоль арқылы желі бойынша Басқару серверін басқаруға болады.

Басқару консолін әкімшінің жұмыс станциясына орнату үшін:

1. setup.exe орындалатын файлын іске қосыңыз.

   Орнату үшін Kaspersky бағдарламалары таңдалатын терезе ашылады.

2. Тек Kaspersky Security Center Басқару консолін орнату сілтемесі бойынша бағдарламаларды таңдау терезесінде Басқару консолін орнату шеберін іске қосыңыз. Содан кейін, шебердің нұсқауларын орындаңыз.
3. Мақсатты қалтаны таңдаңыз. Әдепкі бойынша, бұл <Диск>:\Program Files\Kaspersky Lab\Kaspersky Security Center Console. Мұндай қалта болмаса, ол орнату барысында автоматты түрде жасалады. Сіз мақсатты қалтаны Шолу түймесі арқылы өзгерте аласыз.
4. Орнату шеберінің соңғы терезесінде, Басқару консолін орнату процесін бастау үшін Іске қосу түймесін басыңыз.

Шебердің жұмысы аяқталғаннан кейін, Басқару консолі әкімшінің жұмыс станциясына орнатылады.

Басқару консолін әкімші жұмыс станциясына тыныш режимде орнату үшін:

1. Лицензиялық келісімді оқып шығыңыз. Лицензиялық келісімді оқып шықсаңыз және оның шарттарын қабылдасаңыз, төмендегі пәрменді қолданыңыз.
2. Kaspersky Security Center дистрибутивінің Distrib\Console қалтасында келесі пәрменнің көмегімен setup.exe файлын іске қосыңыз:

   setup.exe /s /v"EULA=1"

   Басқару консолімен бірге Distrib\Console\Plugins қалтасындағы барлық басқару плагиндерін орнатқыңыз келсе, келесі пәрменді орындаңыз:

   setup.exe /s /v"EULA=1" /pALL

   Басқару консолімен бірге Distrib\Console\Plugins қалтасынан қандай басқару плагиндерін орнату керектігін білгіңіз келсе, "/p" кілтінен кейін басқару плагиндерін көрсетіп, оларды үтірлі нүктемен бөліңіз:

   setup.exe /s /v"EULA=1" /pP1;P2;P3

   Мұндағы P1, P2, P3 – Distrib\Console\Plugins қалтасындағы басқару плагиндері қалталарының атауына сай келетін басқару плагиндері атауы. Мысалы:

   setup.exe /s /v"EULA=1" /pKES4Mac;KESS;MDM4IOS

Басқару консолі және басқару плагиндері (егер олар көрсетілген болса) әкімшінің жұмыс станциясына орнатылады.

Басқару консолі орнатылғаннан кейін, Басқару серверіне қосылу керек. Ол үшін Басқару консолін іске қосып, ашылған терезеде Басқару сервері орнатылған құрылғының атауын немесе құрылғының IP мекенжайын, сондай-ақ оған қосылу үшін есептік жазба параметрлерін көрсету керек. Басқару серверімен байланыс орнатылғаннан кейін, осы Басқару консолі арқылы антивирустық қорғаныс жүйесін басқаруға болады.

Басқару консолін Microsoft Windows бағдарламаларын орнату және жоюдың стандартты құралдарымен жоюға болады.

Сондай-ақ, қараңыз: Негізгі орнату сценарийі

Басына оралу